Астронаути забележале необична светлина над Европа

Астронаути на Меѓународната вселенска станица забележале необичен син сјај над Европа на почетокот од септември. Според францускиот астронаут Томас Песке, станува збор за феномен кој се случува кога има грмотевици во горниот дел од атмосферата на височини поголеми од оние на кои најчесто има грмотевици.

– Ова е многу редок настан и имаме установа надвор од европската лабораторијата „Колумбо“ која е посветена на набљудување на овие светлосни зраци. Вселенската станица е екстремно добро поставена за оваа опсерваторија бидејќи лета над екваторот, каде што има повеќе грмотевици – напишал Песке.

🌩A single frame from a timelapse over #Europe, showing a transient luminous event in the upper atmosphere! We have a 🇩🇰-led facility monitoring these events thanks in part to @Astro_Andreas who took the first picture of them from space! ⚡ https://t.co/tfFS3KqYmm #MissionAlpha pic.twitter.com/XqBdJ64pBq

— Thomas Pesquet (@Thom_astro) October 7, 2021

Астронаутите и алатките на Меѓународната вселенска станица може да истражуваат вакви атмосферски настани кои не би можеле да ги видиме од површината на Земјата.