Денеска е голем празник – Св. Јован Златоуст

На 26 ноември, според календарот на Македонската православна црква (Јулијанскиот календар), се одбележува денот на еден од најголемите светители и учители на Црквата – Св. Јован Златоуст.

Кој е Св. Јован Златоуст?

Роден во 354 година во Антиохија, Св. Јован Златоуст се смета за еден од најмудрите и највлијателните патријарси на Цариград. Тој ги изучувал грчките философи и се доусовршувал во познатата Антиохиска школа, а по смртта на своите родители, се замонашил и започнал строг подвижнички живот.

Познат по својата реторичка дарба и мудрост, бил назначен за патријарх на Цариград по барање на цар Аркадиј. Неговите проповеди, дела и јасноста на изразување му донесле место меѓу највлијателните личности во историјата на христијанството.

Св. Јован Златоуст се упокоил во 407 година во Ерменија. Неговите мошти се чуваат на две значајни локации – главата се наоѓа во Успенската црква во Москва, а телото во Ватикан.

Обичаи и верувања за празникот

• На овој ден се препорачува да се земе книга и да се прочита барем мал дел од неа, како симбол на мудрост и учење.
• Според народните верувања, жените не треба да работат со волна, конец или игли, бидејќи се верува дека таквата работа на овој ден не носи благослов.

Св. Јован Златоуст остави големо духовно наследство и продолжува да биде инспирација за верниците ширум светот.

Честит празник на сите што го слават денот на Св. Јован Златоуст!