Денес се празнува Св. Злата Мегленска: Симбол на верност и непоколеблив дух

Православните верници го чествуваат споменот на Света Злата Мегленска, великомаченица која со својата пожртвуваност и храброст стана пример за непоколеблива вера. Родена во сиромашно семејство во селото Слатина, во областа Меглен, Света Злата се издвојувала како кротка и побожна девојка, која сјаела со „златно“ срце и голема љубов кон Бога.

Според преданието, Света Злата доживеала големи искушенија откако била заробена од Турци, кои ја принудувале да ја напушти христијанската вера и да прифати ислам. Без колебање, таа одговорила: „Јас во Христа верувам, Он ми е Женик, и никогаш нема да се откажам од Него, макар и на илјада маки да ме ставите.“ Нејзините родители и блиските, обидувајќи се да ја спасат од страдање, ја молеле да се откаже барем привидно, но Света Злата стоела цврсто, одговарајќи: „Татко ми е Господ Исус Христос, мајка – Богородица, а браќа и сестри – светителите.“