Катастрофално сценарио: Како би изгледала Земјата ако се стопи целиот мраз

Замислете свет во кој целиот мраз на Земјата се стопил – сценарио кое нè плаши дури и да го замислиме. Со брзото топење на глечерите предизвикано од климатските промени, сè повеќе се појавуваат прашања за тоа како би изгледала нашата планета ако исчезне сиот мраз.

Планетата има огромни количества мраз, особено во Антарктикот и Гренланд, чија површина заедно надминува 15,54 милиони квадратни километри. Ова се огромни ледени плочи, чија загуба би предизвикала катастрофални промени за нашите брегови и животот на милијарди луѓе.

Како би изгледал светот под вода?

„Business Insider Science“ направи видео кое визуелно ги прикажува последиците од целосното топење на копнениот мраз. Според предвидувањата, многу европски градови како Брисел и Венеција би биле под вода, додека големите урбани центри во Африка и Блискиот Исток, како Дакар и Џеда, би исчезнале од мапата.

Во Азија, градови како Мумбаи, Пекинг и Токио би се соочиле со масовно раселување, бидејќи милиони луѓе ќе бидат принудени да се преселат кон внатрешноста. Јужна Америка би ги изгубила своите културни и економски центри, како Рио де Жанеиро и Буенос Аирес, додека во САД, градови како Њујорк, Хјустон и целата држава Флорида би биле под закана од исчезнување.

Последици за човештвото и природата

Ако се стопи целиот мраз на планетата, глобалното ниво на морето би се подигнало за околу 66 метри. Ова би значело потопување на огромни делови од копното, драматично променување на климата и преселување на милијарди луѓе од крајбрежните области. Економиите би се соочиле со колапс, а природните екосистеми би биле нарушени до неповратни граници.

Иако овој сценарио е екстремно, брзото топење на глечерите е реалност што бара итни акции. Климатските промени веќе предизвикуваат пораст на нивото на морето, па ова сценарио не е сосема надвор од реалноста, доколку не се преземат сериозни мерки за заштита на планетата.