Одбележување на 150 години од раѓањето на Крсте Петков Мисирков

Денес, 18 ноември 2024 година, се навршуваат 150 години од раѓањето на Крсте Петков Мисирков, еден од најголемите дејци во македонската историја. Роден во селото Постол, Егејска Македонија, во 1874 година, Мисирков оставил длабоки траги како филолог, лингвист, историчар, фолклорист, етнограф и публицист. Неговото дело не само што придонело за зацврстување на македонскиот идентитет, туку и за афирмација на македонскиот јазик и култура.

Во 1903 година ја објавил книгата „За македонцките работи“, која претставува клучно дело за македонската самобитност и национална свест. Неговото издавачко работење продолжило и во 1905 година во Одеса, каде што го уредувал весникот „Вардар“ на македонски јазик, со што ја зацврстил основата за македонската литература и публицистика.

Мисирков починал во Софија на 26 јули 1926 година, но неговото наследство останува столб на македонската историја и културен идентитет.