Пореметен циклус на водата: Глобалната криза со вода носи катастрофални последици

Првпат во историјата на човештвото, луѓето го нарушија глобалниот циклус на водата, што доведе до криза која загрозува повеќе од 50% од светското производство на храна, според најновиот извештај на Глобалната комисија за економија на водата.

Со децении, лошото управување со земјиштето и водните ресурси, заедно со климатските промени предизвикани од човекот, создадоа невиден притисок врз природниот циклус на движење на водата. Овој процес, кој обезбедува вода преку испарување, кондензација и врнежи, веќе е сериозно нарушен, а милијарда луѓе се соочуваат со недостиг на вода.

Кризата веќе предизвикува уништување на земјоделските култури, како и ерозија на градовите поради исчезнувањето на подземните води. Според извештајот, глобалниот БДП може да падне за 8% до 2050 година, доколку не се преземат итни мерки.

🚀 Out now: The #EconomicsOfWater report lays out the shifts required to drive radical changes in how water is valued, managed and used.

GCEW argues that the water cycle, encompassing both blue and green water, must be governed as a global common good through concerted action in… pic.twitter.com/aztdLvhBhF

— Global Commission on the Economics of Water (@watercommongood) October 17, 2024

Водата – највредниот природен ресурс

Климата, нарушената „сина вода“ (водата во реките, езерата и подземните води) и „зелената вода“ (влажноста во почвата и растенијата) се тесно поврзани, а пореметувањата предизвикани од човековата активност водат до уште поголеми суши и екстремни временски услови.

Извештајот нагласува дека на секој човек му се потребни околу 4.000 литри вода дневно за пристоен живот, што е многу повеќе од минималните 50-100 литри за основни потреби, кои ги наведуваат Обединетите нации.

Оваа глобална криза бара итна акција за заштита на водните ресурси, без кои човештвото не може да опстане.