Пост без глад: Како да блеснете со здравје за Велигден!

За време на постот е неопходно да се јаде разновидна храна за да се внесат сите потребни хранливи состојки за правилно функционирање на организмот. Ова ќе ве заштити и од вируси и настинки.

Основни правила на постот

Велигденскиот пост е на вода. Не смеете да јадете месо, јајца, млеко и млечни производи, односно храна од животинско потекло. Вино и масло се дозволени за викенд, а риба смее да се јаде само на Благовести и Цветници. Првите три дена од првата недела на постот, како и последната недела, се пости на вода. Исклучок е Велики четврток кога се дозволени масло и вино. На Велики петок не треба да се јаде ништо до три попладне, а потоа може лесен оброк на вода. Строг пост е и на Велика сабота.

Можеби ве интересира:

Што да се пие наместо кравјо млеко?

Растителни млека, како бадемово, соино, од кокос и ориз, успешно ќе го заменат кравјото млеко во исхраната.

• Бадемово млеко: во една шолја (240 мл) има 40 калории, 24% од потребната дневна количина на калциум, добар е извор на витамин Е, но има малку протеини.
• Соино млеко: една шолја содржи 80 калории, протеини има колку и кравјото млеко, но често предизвикува алергии кај деца и возрасни.
• Оризово млеко: има 120 калории во една шолја, природно е слатко, има многу јаглехидрати, но нема протеини. Не се препорачува за дијабетичари поради количината на јаглехидрати.
• Кокосово млеко: една шолја содржи 50 калории, но може да содржи карагенан, кој кај некои луѓе предизвикува проблеми со варењето.

Најдобра замена за месо и јајца

Благодарение на богатството со протеини, јајцата му обезбедуваат енергија на нашиот организам. Месото, освен протеини, содржи и голема количина на железо. За двете намирници постојат соодветни замени од растително потекло, кои за време на постот можат да ги надоместат овие хранливи материи.

• Грав: една шолја грав содржи 18 грама протеини и 15,6 грама влакна, што е повеќе од половина од дневните потреби на организмот.
• Печурки: портобело и шампињони содржат протеини и железо, иако во една шолја има само три грама протеини.
• Туна: богата е со протеини, како и со омега-3 масни киселини.
• Леблебија: половина шолја леблебија има 7 грама протеини и 6 грама растителни влакна, а нема холестерол. Богата е и со железо.