Прва слика од бремената Жизел Бундхен го разбуди интересот на јавноста

Светот на шоу-бизнисот беше изненаден кога се појави веста дека 44-годишната Жизел Бундхен, бразилската манекенска ѕвезда, е бремена. Ова е прво појавување на Жизел по оваа објава, видена во Мајами како оди на тренинг, при што стомакот се обидувала да го сокрие од погледите на папараците.

Жизел ги информирала своите деца, Вивиен (11) и Бенџамин (14), кои наводно го обожаваат нејзиниот нов партнер, инструкторот за џиу-џицу, Хоаким Валенте. Жизел и Валенте се поврзани од 2022 година, а парот често бил виден заедно во Костарика, што ги поттикна шпекулациите за нивната врска, која јавноста подоцна ја потврди.

Кој е Хоаким Валенте?

Хоаким е познат војнички инструктор за џиу-џицу, кој пораснал во Бразил и завршил студии по криминологија во Америка. Валенте од 2007 година живее и работи во Мајами, каде што заедно со брат му го водат училишето „Валенте брадерс“.

Враќање во ново поглавје

И покрај разделбата од Том Брејди по 13 години брак, Жизел го поддржува нејзиниот поранешен сопруг и останува посветена мајка на нивните деца. За многумина, оваа бременост е симбол на нејзината сила и независност, иако на социјалните мрежи има и негативни коментари.

Како една од најуспешните манекенки во светот, Жизел останува активна на модната сцена, пркосејќи на годините и предизвиците, сè уште пленејќи со нејзината природна харизма.