Првиот сопруг на Џеј Ло открива: „Ме изневери со Диди“

Џенифер Лопес, која беше мажена четири пати, сега се соочува со нови обвинувања од нејзиниот прв сопруг, Оџани Ноа. Во неодамнешно интервју, Оџани сподели детали за нивниот краткотраен брак, тврдејќи дека дел од причината за разводот било нејзиното изневерување со раперот Пи Диди.

„Кога Sony ѝ ги исплати милионите за нејзиниот прв албум On The 6, Диди беше таму како продуцент. Оттогаш започнаа лагите и неверството. Јас бев во Лос Анџелес, отворав ресторан, додека таа беше во Мајами и Њујорк, работеше на албумот. Кога бевме разделени, таа ме изневери,“ изјави Ноа.

Ноа исто така ја обвини Лопес за саботажа на неговиот бизнис и тврди дека таа се обидувала да му ја уништи кариерата со лажни обвинувања. „Не знам зошто го направи тоа, кога јас не ѝ направив ништо“, вели тој.

Џенифер Лопес и Оџани беа во брак од 1997 до 1998 година, по што таа започна врска со Пи Диди, која траеше до 2001 година. Лопес подоцна беше мажена за Крис Џад (2001-2003), Марк Ентони (2004-2014), со кој има две деца, и неодамна се разведе од Бен Афлек (2022-2024).