Весна
Февруари е месец на љубовта, но некои врски се прекинуваат токму сега…
Дали е премногу сурово кон партнерот да го оставите пред Денот на вљубените, или е полошо сепак да го прославите тој ден и да раскинете потоа? Еве што мислат експертите на оваа тема.
Одлуката за раскинување на емотивна врска никогаш не е едноставна, ниту за една страна – оној кој остава по правило се „крши“ околу тоа кога е идеалниот момент за раскид, додека за другиот тоа е неочекувано и со самото тоа уште поболно. Особено е страшно кога таквата одлука се носи во февруари, кој е познат и како месец на љубовта.
Раскинување ПРЕД Денот на вљубените: Брутално Искрено или Само Искрено?
Раскинувањето пред Денот на вљубените, според мислењето на многумина, е безобѕирно, па дури и безобразно, иако повеќето луѓе не сфаќаат дека идеален момент за такво нешто всушност и не постои освен – токму сега. По еден празник ќе следи друг, трет, четврти, ќе има проблеми на работа или ќе се појави нешто друго, што агонијата само ќе ја пролонгира.
Освен тоа, и прославувањето на празникот на љубовта со некој кој повеќе не го сакаме и до кој повеќе не ни е грижа не е најдобро решение. “Да, раскидот е тежок, но уште потешко е на сила да се избира подарок за некого когo не го сакаме или да се глуми блискост со некого кон кого емоциите одамна се оладиле”, наведува професорот по психологија Морган Куп.
Раскинување ПО Денот на вљубените: Одложување на Неизбежното или Втора Шанса?
Меѓутоа, ако сè уште не сте сто проценти сигурни во своите чувства, односно ако одлуката за раскид сè уште не созрела во потполност, подобро е да се почека Денот на вљубените сепак да помине. Така ќе имате доволно време да ги процесирате сопствените емоции и да процените дали врската има каква било иднина.
Чекањето да помине Денот на вљубените има уште една предност: празничната атмосфера може во вас, а и во вашиот (речиси поранешен) партнер да разбуди желба сепак да се потрудите околу врската и да поработите на работите кои во неа не функционирале баш најдобро. Кој знае, можеби навистина ќе се покаже дека можете да опстанете, пренесува Си-Ен-Ен.
На крај, можеби е добро да почекате празникот да помине за да избегнете во иднина за овој ден да ви се врзуваат негативни чувства и сцени на раскид. “Нашиот мозок има тенденција да креира шаблони помеѓу два настани. Годишниот потсетник дека сте раскинале ден пред празникот може да биде штетен”, заклучува терапевтот Кијана Шелтон.
