Расте побарувачката за молери: За молерисување на 100 квадрати цените одат и до 1.000 евра

Денеска, добар молер се чека со месеци, а просечната цена за молерисување на стан од 100 квадратни метри достигнува и до 1.000 евра, вклучувајќи материјали и работа. Огромниот интерес и недостигот на мајстори го прават молерскиот занает барана професија, за која ангажман се чека и до три месеци.

Стеван Петровиќ, искусен молер, објаснува дека луѓето често го потценуваат трудот што го вложуваат молерите, мислејќи дека секој може да ја извршува оваа работа. „Потребни се месеци на пракса и посветеност за да се стекнат основните вештини. На многу нови работници им требаат најмалку два до три месеци за да ги совладаат основите, а дури тогаш можат да започнат со самостојна работа,“ вели Стеван.

Поради недостигот на квалификувани мајстори, молерите често мораат да комбинираат работа на повеќе локации. „Додека се суши работата на едно место, преминуваме на друго, за да можеме да го оптимизираме времето и трудот,“ додава Давид, негов колега.

Давид истакнува дека понудите за работа во странство се сè попримамливи, со плати три до четири пати повисоки од локалните.