Супер фотогенично бебе фока ќе ви го украде срцето

Луѓето дефинитивно имаат фасцинација со бебиња од животни. Без оглед дали се тоа мачиња или кутриња, тешко е да се најде лице кое би останало рамнодушно на фотографии или видеа од мали животни. И додека мачките и кучињата се доминантни видови на Интернет, другите животни понекогаш успеваат да го украдат центарот на вниманието. Овој пат, тоа е симпатично бебе фока што го привлече вниманието на сите.

Фотографот Јохан Сигесон беше надвор на познатата плажа Хорси во Норфолк кога наиде на овој симпатичен примерок. „Беше неверојатно искуство да го поминам времето со овие фоки. Првите денови имавме ужасно време со дожд, град и ветер “, изјави фотографот за своето искуство. За среќа на сите нас, Сигесон направи неколку прекрасни снимки од фоката, која игриво мавтајќи на камерата, го стопи срцето на речиси сите.

Оваа симпатична фока беше забележана на плажата Хорси во Норфолк

Не е ретко да се видат фоки кои се сончаат во зимските месеци на источниот брег на Велика Британија, но овој малечок пријател дефинитивно нудеше нешто повеќе на секој љубител на фоки.

Обичните фоки излегуваат на брегот за да раѓаат околу ноември-јануари, што значи дека оние што уживаат да ги гледаат овие животни, дефинитивно можат да видат многу од нив во тој период.

Северно од плажата Хорси е природниот резерват “Blakeney Point”, кој нуди засолниште на обичните и сивите фоки. Со повеќе од 3.000 фоки родени секоја година, “Blakeney Point” ја има најголемата колонија на фоки во Англија.