Тејлор Свифт донира 5 милиони долари за помош по ураганите во Флорида

Тејлор Свифт уште еднаш ја покажа својата дарежливост, донирајќи 5 милиони долари за помош на погодените од ураганите Хелен и Милтон, кои ја разорија Флорида. Извршната директорка на Feeding America, Клер Бабинео-Фонтен, на Инстаграм изрази благодарност за оваа донација, нагласувајќи дека ќе обезбеди основни потреби како храна и вода за заедниците кои се соочуваат со тешкотии.

 

View this post on Instagram

 

A post shared by Feeding America (@feedingamerica)

„Ти благодарам, Тејлор, што стоиш со нас и им помагаш на луѓето во неволја,“ напиша Бабинео-Фонтен, истакнувајќи ја важноста на ваквата поддршка за обновување на погодените региони.

Ова не е прв пат Свифт да се вклучи во хуманитарни активности. За време на нејзината турнеја Ерас, таа редовно донираше средства на локални организации и народни кујни во градовите каде што настапуваше. Претходно, таа помогнала на жртвите од поплавите во Луизијана, ураганот Харви, и торнадата во Тенеси, кои во неколку наврати ја уништија оваа американска држава.

 

View this post on Instagram

 

A post shared by Taylor Swift (@taylorswift)

Свифт, чие богатство се проценува на 1,6 милијарди долари, официјално е прогласена за најбогатата само-создадена музичарка во светот, и нејзините хуманитарни активности се само уште еден пример на нејзината великодушност.