Три урагани ги вознемирија научниците: два се движат кон Европа

Во изминатите денови, над Атлантскиот Океан се појавија три урагани кои предизвикаа загриженост кај научниците. Особено внимание привлекоа ураганите Милтон, Крик и Лесли, секој со различен пат и интензитет.

Ураганот Милтон се формираше над Мексиканскиот залив и брзо прерасна во разорна бура од петта категорија. Тој со интензитет на ураган од трета категорија веќе го погоди западниот дел на Флорида, носејќи ветрови од 200 км/ч, обилни врнежи од над 350 литри дожд и огромни бранови кои ја загрозуваат Тампа и околните области.

Паралелно, ураганот Крик го погоди западниот дел на Европа, најпрвин како ураган од четврта категорија, а сега како екстратропски циклон кој носи поплави и силни ветрови во Франција, Германија и Данска. Иако го изгуби статусот на ураган, Крик останува силна бура, што се приближува кон европските копнени делови.

Во исто време, уште еден ураган, Лесли, се движи преку Атлантикот. Очекувано е да достигне втора категорија со ветрови од 180 км/ч, но без да ја загрози Америка. Тој на својот пат кон североисток ќе ослабне и ќе стигне до Азорските Острови за време на викендот како значително ослабен екстратропски циклон. Лесли, исто како Крик, не се очекува да донесе големи разорувања, но може да предизвика силни ветрови и високи бранови долж бреговите на Португалија и југозападна Европа.

Сезоната на урагани на северниот Атлантик трае од јуни до ноември, со врв во септември. Иако овој септември беше релативно мирен, исклучително силен ураган Хелена веќе предизвика големи штети во северозападна Флорида и југоисточниот дел на САД, при што животот го загубија повеќе од 230 луѓе.

Формирањето на три силни урагани истовремено е ретка и необична појава, иако научниците објаснуваат дека овие феномени се резултат на екстремно топлите води во Атлантикот, особено во Мексиканскиот залив каде температурите достигнуваат до 30°C. Вообичаено е ураганите да се движат кон запад, но случаите на Крик и Лесли, кои се упатија кон Европа, се редок феномен.

Иако урагани од тропскиот Атлантик повремено стигнуваат до Европа, овие случаи остануваат исклучително ретки. За среќа, досега не се очекуваат големи катастрофи на европското копно како резултат на овие урагани.