Марко
Видео кое брзо стана вирално на ТикТок прикажува како уличен музичар на тапани ја изведува познатата песна „Otherside“ од „Ред хот чили пеперс“ на улиците на Лос Анџелес, сосема несвесен дека меѓу неговата публика стои никој друг туку Чед Смит, легендарниот тапанар на овој популарен бенд.
@joeymccarthyy imagine shooting hoops in front if Michael Jordan and not even realizing it? #redhotchilipeppers #chadsmith #drummer
Објавено од тиктокерот Џои Мекарти, видеото собра над 30 милиони прегледи, предизвикувајќи лавина од реакции со коментарот: „Кој ќе му каже?“ Гледачите можат да го видат Чед Смит како со внимание го следи уличниот музичар и тактира во ритамот, притоа не откривајќи му се додека настапот не завршил. Тогаш, изненадениот музичар добил шанса лично да се запознае со Чед и да дознае кој бил неговиот специјален слушател.
Песната „Otherside“, која беше огромен хит по своето објавување во 1999 година како трет сингл од албумот „Californication“, и денес е обожавана од фановите со повеќе од 800 милиони прегледи на YouTube.
„Ред хот чили пеперс“ со своите повеќе од 120 милиони продадени албуми, три Греми награди и 15 синглови на врвот на музичките листи, оставија траен белег во музичката историја, а бендот и понатаму останува меѓу највлијателните рок групи на сите времиња.
