(ФОТО) Тажни сцени од Лос Анџелес: Брус Вилис изгледал дезориентирано, фановите загрижени

Легендарниот актер Брус Вилис бил забележан во Лос Анџелес, при што многумина забележале дека делувал дезориентирано, што е резултат на неговата борба со афазија и фронтотемпорална деменција. Овие нови фотографии предизвикаа емоционални реакции кај неговите фанови.

„Ова навистина боли, мислите ми се со него,“ „Тешко е да се гледа како една легенда на киното полека заминува,“ се само дел од бројните коментари кои се појавија на социјалните мрежи.

Вилис добива непрекината поддршка од своето семејство, кое е секогаш покрај него. Тој и неговата сопруга, Ема Хеминг Вилис, имаат две ќерки – Мејбел Реј и Евелин. Од претходниот брак со актерката Деми Мур, Брус има уште три ќерки: Румер, Скаут и Талула.

Неговата ќерка Румер неодамна сподели на Инстаграм дека и покрај тешката состојба на нејзиниот татко, тој се чувствува добро. Исто така, Деми Мур во интервју за „Дру Баримор шоу“ изјавила дека, според нивното искуство, Брус во моментов е стабилен.

Во мај 2022 година, медиумите како „Daily Mail“ известија дека актерот се соочува со неизлечива болест. Фронтотемпоралната деменција се разликува од Алцхајмеровата болест, бидејќи првиот симптом не е губење на меморијата, туку афазија – тешкотии со говорот. Оваа болест влијае на делот од мозокот кој ги контролира емоциите и расположението, што може да доведе до чести промени во расположението, анксиозност и пореметена свест.