Авион се сруши во езеро Јута – патници заробени под вода (ВИДЕО)

Во петок, авион се сруши во езерото Јута, при што неколку лица останале заробени под вода. Спасувачките екипи се на терен и сè уште траат обидите за спасување.

„Имаме екипи на лице место. Се потврдуваат одредени информации, но шансите за преживеани стануваат се помали,“ изјави Џес Кембел, шеф на противпожарната служба.

Засега нема информации за точниот број на патници кои биле во авионот кога се случила несреќата, а се знае дека авионот добил дозвола за слетување на аеродромот Прово пред да падне во езерото околу 10 часот наутро, според локално време.

Сведоци кои биле во близина на пристаништето веднаш ја алармирале итната служба. Во моментов, ронилачките тимови активно трагат по пилотот и останатите патници, додека Националниот парк Јута е затворен за време на операцијата за потрага и спасување.

Настанот го потресе локалното население, а видеа од местото на несреќата кружат по социјалните мрежи, додавајќи дополнителна драма на ситуацијата.