„АМЕРИКА ТОНЕ!“ Маск предупредува – Ни се заканува банкрот поради корупција и големи трошоци

Соединетите Американски Држави се соочуваат со ризик од банкрот. Причината е корупцијата и прекумерното трошење. Ова го изјави шефот на Одделот за ефикасност на владата на САД, Илон Маск.

„Ако државата троши премногу и нерационално, ќе банкротира. Исто како и човек. Причината поради која работам овде е мојата голема загриженост. Америка би можела да банкротира поради корупција и трошоци. Ако ништо не се преземе, бродот наречен ‘Америка’ ќе потоне“, рече милијардерот во интервју за „Фокс њуз“.

Според него, „манипулациите и расипништвото на владата се толку големи“ што САД поради тоа губат две трилиони долари годишно.

„Државниот долг на САД порасна толку многу што дури и каматите на него го надминуваат целиот воен буџет. Тој порасна неконтролирано“, додаде бизнисменот.

Веднаш по инаугурацијата на американскиот претседател Доналд Трамп на 20 јануари, властите започнаа ревизија на големите трошоци на државниот буџет.

Според Илон Маск, одделот за ефикасност на владата на САД очекува да ја намали потрошувачката на Вашингтон за две трилиони долари. На негово барање, работата на американската Агенција за меѓународен развој (УСАИД) привремено е суспендирана со цел нејзина понатамошна реорганизација.