Анастасија Ражнатовиќ во емотивна исповед: „Често го сонувам татко ми и не му дозволувам да замине“

Анастасија Ражнатовиќ, ќерката на легендарната пејачка Цеца Ражнатовиќ и покојниот Жељко Ражнатовиќ Аркан, неодамна сподели емотивни и неочекувани детали од своето детство и предизвиците што ги носела улогата на ќерка на две од најпознатите личности на Балканот.

Пејачката отворено говореше за болката која ја доживеала по загубата на татко си, кога таа и нејзиниот брат Вељко биле сè уште деца.

„Често го сонувам татко ми, и во тие соништа, секогаш се појавува за еден ден, а потоа повторно исчезнува. Ништо посебно не му велам, само не се одвојувам од него, го гушкам и го молам: ‘Можеш ли да останеш уште малку?’ Не знам какво е чувството да имаш татко, па да го споредам со тоа какво е да растеш без него. Но, беше многу тешко за нас како деца. Посебно за Вељко, бидејќи никогаш немаше машка фигура на која може да се потпре. Но, исто така, и за мама беше тешко. Никогаш немаше некој зад себе да ѝ даде поддршка, затоа сите напади беа насочени кон неа. Лесно е да нападнеш жена која сама се грижи за своите деца,“ откри Анастасија.

Оваа отворена исповед на Анастасија уште еднаш потврдува колку емоциите и сеќавањата од детството можат да остават трајна трага и како тие влијаат врз иднината на едно семејство.