Астронаут сними чудни шарени светла: Се нижеа едно по друго и исчезнуваа во дел од секунда (ВИДЕО)

Астронаутот на НАСА, Дон Петит, направи неверојатна снимка од редок атмосферски феномен на Земјата од Меѓународната вселенска станица (ISS).

Додека ISS кружеше над Јужна Америка, Петит сними нешто што е класифицирано како „минлив светлечки настан“ (Transient Luminous Events или TLE на англ.). Тоа се светли, шарени блесоци на светлина побрзи од молња, кои понекогаш се нарекуваат „спрајтови“ (митолошки суштества со крилја на инсекти од Западна Европа, често прикажани како светкаат близу водни површини).

Петит од своја перспектива, далеку над Земјината атмосфера, можеше да ги види тие „спрајтови“ директно одозгора, гледајќи во „надир“, поточно точката директно под одредена локација.

OK, this is kind of out there and caters to your inner Uber-Geek. Nadir view of Transient Luminous Events (TLE ) or upper atmospheric lightning. This clip real time is about 6 seconds over the Amazon basin and shows a number of TLE displays from Sprites to blue jets from a… pic.twitter.com/IE0Edtm2Rl

— Don Pettit (@astro_Pettit) April 3, 2025

„Надир поглед на минливи светлечки настани (TLE) или горни атмосферски молњи“, напиша тој на мрежата X покрај видеото од феноменот.

Видеото го сними блескањето на „спрајтови“ над Амазонскиот басен во траење од шест секунди, но е забавено, па трае 33 секунди.

Super lucky a few weeks ago when shooting a timelapse of a lightning storm off the coast of South Africa. One of the frames in the timelapse had a red sprite. A rare event. My knowledge is pretty much just from Wikipedia but I want to know more.

50mm lens, f1.2, 1/5s, ISO 3200 pic.twitter.com/CU1JpMwE8u

— Matthew Dominick (@dominickmatthew) June 20, 2024

Инаку, ова не е првпат ваква појава да биде снимена од камера на ISS. Така во 2024 година, астронаутот на НАСА, Метју Доминик, го забележа еден од најнедостижните атмосферски феномени познат како „црвен спрајт“.

Super lucky a few weeks ago when shooting a timelapse of a lightning storm off the coast of South Africa. One of the frames in the timelapse had a red sprite. A rare event. My knowledge is pretty much just from Wikipedia but I want to know more.

50mm lens, f1.2, 1/5s, ISO 3200 pic.twitter.com/CU1JpMwE8u

— Matthew Dominick (@dominickmatthew) June 20, 2024

Тие се јавуваат за време на особено силни грмотевици и патуваат нагоре во атмосферата, за разлика од нормалните молњи кои патуваат надолу до површината на Земјата, пишува Space.com.

Спрајтовите како оние што ги сними Петит се појавуваат многу повисоко во атмосферата од обичните молњи. Нивното име исто така е акроним за „стратосферски пертурбации кои се резултат на интензивна електрификација на грмотевици“.

Се создаваат кога електрични празнења од молњи избиваат нагоре, создавајќи експлозии на плазма во јоносферата, која се наоѓа на околу 80 км над Земјината површина. Камера првпат ги сними дури во 1989 година.