БЕШЕ ПОЛНА СО ЉУБОВ, МУЗИКА И ЖИВОТ“: Почина девојката, пратечки вокал на „ДНК“, Сара Пројковска

Сара Пројковска, пратечки вокал на групата „ДНК“ и порано на Тоше Проески, го загуби животот во пожарот во Кочани. Колегите и пријателите се простуваат со емотивни пораки.

 Факултетот за музичка уметност во Скопје ја потврди тажната вест дека во пожарот во дискотеката во Кочани животот го загуби и Сара Пројковска, која беше пратечки вокал на познатата група ДНК. Таа претходно беше дел и од тимот на починатиот музички великан Тоше Проески.

„Со длабока тага и неверување ве известуваме дека нашата колешка, проф. д-р Сара Пројковска, го загуби животот во невидената трагедија во Кочани. Нашата Сара, полна со љубов, живот и музика, лавица и добра девојка…“, стои во потресната објава на социјалните мрежи.