Бронза за Македонија! Дејан Недев го освои светот во карате во Аргентина

Македонскиот каратист Дејан Недев освои бронзен медал на Светското првенство на ИКУ во Буенос Аирес, Аргентина, во дисциплината „кати поединечно.“ Недев се натпреваруваше против 57 каратисти од 44 држави и со малку повеќе среќа можеше да освои уште повисоко место. Како што пренесува Македонската карате федерација (МТКФ), во полуфиналето тој бил спорно поразен од бразилскиот каратист Хозе Вивас Сантос, кој загубил баланс при изведбата, но судиите сепак му ја доделиле победата.

Недев продолжува со подготовките за следното Светско првенство во традиционално карате, кое ќе се одржи од 5 до 10 ноември во Перу.