Водител на „BBC“ фатен во незгоден момент: „Се извинувам, бев на крајот од смената“

Водителот на „BBC“, Бен Браун, упатил извинување до јавноста откако бил фатен како зева во текот на телевизиската програма.

Тоа се случило вчера за време на вестите, а уморниот 60-годишен водител мислел дека во тој момент не е во програма во живо.

На видеото се гледа како Браун е навален во водителското столче и зева, а кога сфатил дека повторно е во етер, брзо се исправил и продолжил да ја води програмата.

„Се извинувам за ова, драги гледачи – бев на крајот од долгата смена која започна во 5 часот наутро, кога камерата по грешка беше насочена кон мене. Опасноста од телевизијата во живо!“, напишал Бен на Твитер.

Apologies for this dear viewers – I was at the end of a long shift after a 5am start when the director cut to me by mistake. The perils of live TV! https://t.co/hBp36V7JIQ

— Ben Brown (@BenBrownBBC) December 20, 2020

Но, гледачите не му замериле – тие дури и сметаат дека тој совршено ја резимирал 2020 година.

„На сите нѝ го разубави денот со тој момент“, гласи еден од коментарите под видеото.