Даниела Димитровска повторно покажува дека стилот е важен, а не цената на облеката

Често се вели дека на убавата жена сè ѝ прилега, но во случајот на моделот Даниела Димитровска станува јасно дека нејзиниот беспрекорен изглед не е единствената причина што ја вбројува меѓу најдобро облечените дами.

Не е важно дали носите фустан од 1.500 денари или 1.500 евра – клучот е во тоа како ќе го стилизирате, какви модни додатоци ќе одберете, каква шминка, фризура и накит ќе користите. Вештината да се претвори обична облека во моден спектакл е она што ги издвојува најдобрите.

Даниела токму ова го демонстрираше со комбинацијата од H&M – сатенски мини фустан, oversized блејзер и трендовски каубојски чизми. Иако целото внимание е насочено кон облеката, првото што го забележувате се деталите: широката трака за коса, впечатливите очила за сонце, ефектните обетки и земјената шминка совршено го комплетираат нејзиниот изглед.

 

View this post on Instagram

 

A post shared by DANIJELA DIMITROVSKA (@danijeladimitrovska)

Во другата комбинација, Даниела блесна во луксузен аутфит со црвен фустан од Magda Butrym со цена од 179.700 денари, заедно со невообичаени црвени лакирани сандали од The Attico. Овој провокативен стил е надополнет со големи бисерни обетки и сјајна торбичка, а фризурата е со пуштена коса и природен волумен.

 

View this post on Instagram

 

A post shared by DANIJELA DIMITROVSKA (@danijeladimitrovska)

Двата стајлинзи покажуваат дека е речиси невозможно на прв поглед да се разликуваат скапите брендови од high-street модата. А според нејзините следбеници на Instagram, Даниела никогаш не изгледала подобро. „Дали постои нешто што на оваа прекрасна жена не ѝ стои совршено?“ е само еден од бројните комплименти под нејзините објави.