Марко Ш.
Патниците на крузерот „Explorer of the Seas“ преживеаја вистинска драма во Атлантскиот океан кога бродот се најде во силна бура и се накриви под агол од 45 степени. Канадскиот патник Ден Со (41) го снимил шокантниот момент кога, во обид да останат на нозе, патниците гледале како предмети летаат околу нив и се обидувале да ги избегнат.
„Изгледаше како сцена од Титаник, луѓето вриштеа, чашите се кршеа,“ изјави Со за медиумите, додавајќи дека во еден момент поверувал дека „ова е крајот.“ Во паника, испратил порака до своите пријатели мислејќи дека е последна.
A cruise ship tilted 45 degrees in the Atlantic ocean causing chaos on board 🤯pic.twitter.com/97LcAMQ5L9
— Daily Loud (@DailyLoud) November 11, 2024
Со и другите патници биле на 12-дневно патување од Барселона до Мајами кога силната бура го погоди бродот. Поради опасните услови, крузерот морал да се наклони, а за среќа, повреден бил само еден патник кој добил медицинска помош откако бродот неочекувано пристанал во Лас Палмас.
Според Со, бродот останал накривен околу три минути, пред да се врати во вертикална позиција, носејќи големо олеснување за сите патници кои ја преживеаја оваа трауматична сцена.
