Марко Ш.
Еден ден, на момчето неговиот училишен другар му вели дека сите возрасни имаат тајни, а најдобриот начин да им извлечеш пари е да им кажеш „Ја знам вистината“ дури и кога не е така. Момчето решава да го испроба тој рецепт дома и и вели на мајка си „Ја знам вистината“. Таа веднаш му дава 500 денари и му вели:
– Ни збор за ова на татко ти.
Задоволен од лесната заработка, момчето го чека татко му пред куќата и повторува:
– Ја знам вистината.
Татко му брзо вади 1000 денари, со услов – само ни збор на мајка ти. Охрабрен, момчето се обидува да го спроведе истиот план со поштарот.
– Ја знам вистината, вели момчето кога овој доаѓа да донесе писма. Поштарот паѓа на колена, широко ги рашири рацете и вели:
– Сине, прегрни го тато!
