Жена од Тексас собори Гинисов рекорд со донирани 2.645 литри мајчино млеко

Алис Оглетри, мајка на три деца од Тексас, постави неверојатен Гинисов рекорд со донација на повеќе од 2.645 литри мајчино млеко, што претставува огромен придонес за предвремено родените бебиња. Според проценките, оваа количина млеко е доволна за да помогне во исхраната на стотици илјади бебиња, кои имаат особена потреба од оваа поддршка.

„Имам големо срце, иако не можам секогаш да дарувам финансиски средства, донирањето млеко е начин на кој можам да и помогнам на заедницата,“ изјавила Оглетри во интервју за Гинисовата книга на рекорди.

Ова не е прв подвиг на Оглетри – уште во 2014 година, таа собори рекорд со донирани 1.569 литри мајчино млеко, покажувајќи неверојатна посветеност кон помагањето на најмладите и најранливите.