„Зијан“ се враќа во Скопје по 30 години: Концерт во МКЦ на 7 ноември

Култниот гевгелиски рок бенд „Зијан“ ќе одржи свој концерт во Скопје по 30 години пауза. Настанот ќе се одржи на 7 ноември во Младинскиот културен центар (МКЦ), каде што бендот последен пат настапил во раните 1990-ти.

Концертот е во чест на 42 години од основањето на бендот, кој ќе свири во оригиналниот состав. Со богата музичка историја, „Зијан“ се истакнал на сцената со победата на Гитаријадата во Зајечар и настапите со познати бендови како „ЕКВ“, „Партибрејкерс“ и „Електрични оргазам“. Ова претставува ретка можност љубителите на рок музиката да ги видат во живо по толку долг период.