Зошто некои луѓе се будат во 3 часот наутро?

Сите сме го доживеале тоа – оние моменти кога се будиме среде ноќ, а потоа се бориме да заспиеме повторно. Често се будиме околу 3 часот наутро и остануваме будни, заплеткани во мрежата на грижи и размисли што обично изгледаат многу помали и неважни на дневна светлина.

Нормално е да се будиме среде ноќта

Важно е да знаете дека е нормално да се будите во текот на ноќта. Всушност, сите ние поминуваме низ неколку циклуси на спиење во текот на ноќта, при што секој циклус започнува со лесен сон, кој потоа преминува во подлабок сон и завршува со фазата на брзо движење на очите (REM). Оваа фаза е момент кога е најверојатно да се разбудиме.

Стресот и негативните мисли може да влијаат на продолжување на будноста

Честопати, будиме се во текот на ноќта, но тоа не трае повеќе од неколку секунди, освен ако не почнеме да размислуваме за негативни нешта. Стресот не мора да е причината што сме се разбудиле, но тој може да го направи моментот на будност подолг и поинтензивен.

Зошто проблемите се чинат поголеми на ноќната тишина?

Според психологот Грег Мари, ова се случува бидејќи на 3 часот наутро нема начин да преземеме акција за да ги решиме проблемите. Додека преку ден можеме активно да работиме на одредени ситуации, ноќе сè што можеме да правиме е да се грижиме, и умот го прави токму тоа.

Решенија за полесно враќање на сон

Мари препорачува практикување на медитација за свесност, каде што фокусирањето на дишењето или сетилата може да помогне да се смири умот. Ова може да ви помогне да се вратите на спиење без да се задржувате на вознемирувачките мисли. А ако ништо не помогне, пробајте да прочитате книга за да го одвлечете вниманието од грижите.