Ирански ракети ја погодија клучната база на Израел? Сателитски снимки го откриваат уништување!

Сателитските снимки од хангари за авиони во една од најзначајните израелски воени воздушни бази, направени по масивен удар од ирански проектили, покажуваат голема дупка на покривот на базата. Фотографиите прикажуваат штета врз базата Неватим, лоцирана во јужниот дел на Израел, со видливо оштетување на објекти блиску до пистата.

На сликите се гледаат големи парчиња урнатини расфрлани околу зградите, што укажува на сериозноста на нападот. Сепак, според „Тајмс оф Израел“, сè уште не е целосно јасно што точно предизвикало ваква штета.

Израелската војска сè уште не дала официјален коментар за сателитските снимки, иако претходно ја призна дека некои од нивните воздушни бази биле мета на напад од Иран. И покрај тоа, штетата била оценета како „неефикасна“ од израелските власти.

Во нападот, како што соопшти израелската армија, биле погодени неколку административни згради и работилници за одржување, но тие истакнаа дека не биле оштетени борбените авиони, беспилотните летала, другите воздушни средства, ниту муницијата или важни делови од инфраструктурата.

Воздушната база Неватим е дом на најсовремените борбени авиони на израелското воено воздухопловство, вклучувајќи ги и F-35 Lightning II, произведени од САД. Овие авиони претставуваат столб на израелската одбрана, со способност за извршување на стелт мисии и модерни воздушни операции.

Оваа база игра витална улога во воздушните операции на Израел, и нејзиното оштетување, дури и на инфраструктурни објекти, може да ја наруши оперативната способност на земјата во краток рок. Сепак, армијата тврди дека нападот не нанел значајни штети на самите авиони или на стратешките капацитети.

Нападите доаѓаат во време на зголемени тензии меѓу Израел и Иран, а ваквите инциденти ја истакнуваат ранливоста на воената инфраструктура дури и на најнапредните воени сили во светот.

Израелските медиуми продолжуваат да следат и анализираат какво влијание ќе има ова на натамошната ескалација на конфликтот. Дали ова ќе биде сигнал за нови судири или само предупредување? Останува да се види.