Исповед на Лепа Лукиќ: Подготвена за крајот со свои услови

Кралицата на народната музика, Лепа Лукиќ, на 84 години ужива во добро здравје и виталност, но со години зборува отворено за неизбежниот крај. Таа е решена да ја задржи контролата над својата иднина и да се осигура дека ќе биде испратена со почит. Затоа, штеди средства за сопствената погребна церемонија – со стравот дека би можела да биде погребана како „скитница“, ако работите тргнат по погрешен пат.

Со скромност и хумор, Лепа често коментира и за тоа како сака да изгледа нејзиниот надгробен споменик – без години на раѓање и смрт, само една шеговита порака: „Тука Лепа Лукиќ лежи за првпат сама.“ Во една емисија, оваа нејзина желба предизвика шок и смеа кај присутните, докажувајќи ја нејзината непоколеблива природа и уникатен дух.

Пејачката, која прима три пензии, од кои канадска и две државни, не бара повеќе од животот – доволно и е за достоинствена старост. Неодамна, Лепа го сподели и своето посебно барање во тестаментот: својот внук Радисав го задолжила да се грижи за нејзината мачка Маза. Оваа мачка, која таа ја гледа како свое дете, ќе го наследи целиот нејзин имот, со услов Радисав да ја пази и негува со иста љубов.