Кажете ми колку луѓе работат во оваа фирма, но добро размислете, за лажење можете кривично да одговарате!

Трпе се вработил во голема, приватна агенција за недвижности. Платата не била лоша, но од време на време морало многу да се работи.

Едно утро Трпе дошол на време на работа, а по половина час во фирмата дошла инспекција и почнала да ги проверува сите документи.

По чешлањето на документацијата, доаѓа инспекторот кај Трпе и почнува да го испрашува:

– Кажете ми колку луѓе работат во оваа фирма, но добро размислете, за лажење можете кривично да одговарате!

Трпе размислил и одговорил:

– Со шефот, десет….

Инспекторот, сакајќи да го збуни, го препрашал:

– А без шефот?

Трпе како од топ:

– Без шефот, ниеден!