Карлеуша блесна во црно во Скопје: „Не дојдов да се обогатам, јас веќе сум богата жена“

Јелена Карлеуша ја започна својата голема турнеја со прес-конференција во Скопје, каде истакна дека Македонија за неа има посебно значење. „Мојата турнеја започнува овде, затоа што Македонија ми носи среќа, а и ја сакам оваа земја,“ изјави таа, нагласувајќи дека не е тука за да заработи, туку да покаже што знае после три децении на сцената.

Познатата поп-ѕвезда пристигна во главниот град за концертот кој ќе се одржи на 19-ти октомври во арената „Јане Сандански“. На пресот блескаше во целосно црно издание – сако со длабоко деколте, модни додатоци како златен часовник и елегантна бразлетна од брендот Alhambra, а црните очила за сонце и дадоа завршен шик изглед.

„Скопје не е случајно одбрано,“ продолжи Карлеуша на прес-конференцијата. „Ова е место каде чувствувам љубов и поддршка од народот кој ја почитува и разбира музиката. Концертот овде е многу важен за мене и ќе биде уникатен. Сакам Балканот да види нешто ново – спектакл кој досега не е виден на овие простори,“ додаде таа.

Карлеуша јасно стави до знаење дека нејзиниот мотив не е паричен: „Јас не дојдов овде да се обогатам, јас веќе сум богата жена. Оваа турнеја не е за заработка, туку за да покажам што можам и колку сум созреала во овие 30 години кариера.“

Погледнете ги фотките од нејзиниот стајлинг на пресот, којшто како и секогаш привлече големо внимание.