Карлеуша одби Rolex од над 100.000€ што ѝ го подари Бака Прасе: “Не е оригинал!

Поп дивата Јелена Карлеуша гостуваше во лајвот на нашиот најпознат јутјубер, Бака Прасе, каде што го соборија рекордот на гледаност во Србија. Лајвот стана хит на трендинг листата, достигнувајќи над 1,3 милиони прегледи.

Во текот на емисијата, Бака ѝ подари неколку подароци на Карлеуша, од кои еден беше „скупоцен“ Rolex часовник. Меѓутоа, веднаш штом го доби, Јелена реагираше без двоумење:

„Ова не е оригинал. Нема шанси, верувај ми, јас знам. Ова е фејк, 100%! До 2.000 евра си платил за добар фејк,“ изјави таа, објаснувајќи дека часовникот нема доволна тежина, иако на прв поглед изгледал импресивно.

Бака Прасе, изненаден од реакцијата, се бранеше:

„Не е фејк, имаш и сертификат. Можеш да го провериш во која било Rolex продавница. Само не можеш да веруваш дека ти подарив вистински Rolex.“

Откако се извини за првата реакција, Карлеуша му се заблагодари за вниманието и гестот, нагласувајќи дека ретко добива подароци, без разлика дали се скапоцени или не.

Гледачите на лајвот побараа Бака да покаже доказ за купувањето, но тој одговори дека ги увезува часовниците од Швајцарија и не чува сметки. И покрај тоа, Карлеуша остана решена да го врати подарокот, иако го сметаше за неоценливо искуство.

„Ќе се сликам со часовникот и ќе го вратам, затоа што овој гест ми е доволен. Ова беше навистина прекрасно од твоја страна,“ изјави таа на крајот.