Карлеуша шокира: „Имав афера со оженет, ја остави жената заради мене”

Јелена Карлеуша, популарната српска пејачка, неодамна се разведе од фудбалерот Душко Тошиќ, но изгледа дека приказните од нејзиниот љубовен живот не завршуваат тука. Гостувајќи во емисијата „4 и пол жени“, Карлеуша откри неочекувана тајна – дека имала авантура со оженет маж, кој ја напуштил својата сопруга поради неа, иако таа го убедувала да не го прави тоа.

Во играта „Оголена“, омилен дел од емисијата на многу гледачи, Карлеуша отворено зборуваше за искуството со оженетиот партнер. „Не е проблем да бидеш со оженет маж, проблем е кога тој сака да се разведе – тука настануваат големите проблеми,“ рече таа во шоуто.

На прашањето на водителката Маша зошто би била со оженет маж, Карлеуша одговори: „Па, се случува. Ако тој сака авантура, тоа е тоа. Бракот не е некаква затворска казна, постојат љубовници кои ги зачувуваат браковите, убедувајќи ги мажите да не се разведуваат. Единствениот проблем сме ние жените, кои се бориме за вакви мажи.“

Во текот на емисијата, пејачката призна дека имала таква авантура и брзо се покајала, бидејќи мажот веднаш ја оставил својата жена. „Нивниот брак беше фарса, јас бев таа која го убедуваше да не се разведува,“ изјави таа.

Карлеушините признанија, како и секогаш, предизвикаа голем интерес и реакција кај публиката, а темата за љубовните триаголници останува една од нејзините најконтроверзни изјави.