Ким Кардашијан ги посети браќата Менендез – бес кај фановите за прикажувањето на Нетфликс

Втората сезона од популарната серија на Нетфликс, „Чудовишта: Приказната за Лајл и Ерик Менендез“, повторно го актуализира шокантното убиство од 1989 година кога браќата Менендез ги убија своите родители. Случајот, кој во тоа време ја шокираше јавноста, сега повторно е во центарот на вниманието, поттикнат од серијата која е една од најгледаните содржини на платформата.

Историјата на злосторството што не ја остава јавноста рамнодушна

На 20 август 1989 година, Лајл и Ерик Менендез ги убија своите родители, Хозе и Кити Менендез, во нивната куќа во Беверли Хилс. Хозе, успешен бизнисмен, бил застрелан во глава, додека Кити била погодена неколку пати во торзото и лицето. Убиството предизвика големо внимание во медиумите, а судењето стана вистинска сензација.

Иако браќата тврделе дека дејствувале во самоодбрана по години на емоционално и сексуално малтретирање од нивниот татко, тие беа осудени на доживотен затвор. Со децении подоцна, приказната за Менендез останува предмет на контроверзии и дискусии, особено со новите генерации кои ја откриваат преку телевизиските серии и документарци.

Ким Кардашијан ги посети браќата во затвор

Минатиот викенд, ријалити ѕвездата Ким Кардашијан направи изненадувачка посета на затворот „Ричард Џ. Донован“, каде браќата Менендез ја отслужуваат својата доживотна казна. Заедно со сестра ѝ Клои, мајка ѝ Крис Џенер и неколку холивудски лица, Кардашијан разговарала со затворениците за реформите во затворскиот систем. Фановите на Ким веднаш реагираа, прашувајќи се за нејзиниот интерес за случајот и за тоа како Нетфликс ја прикажува приказната.

Критики за серијата на Нетфликс

Иако многумина ја пофалија серијата за нејзината драматизација на настаните, Ерик Менендез и неговата сопруга остро ја критикуваа продукцијата. Според Ерик, серијата на Нетфликс го враќа случајот во времето кога машките жртви на сексуална злоупотреба не беа сериозно сфатени. Во изјавата, тој нагласува дека е разочаран од начинот на кој продуцентите ја обработиле нивната трагедија.

Социјалните мрежи, особено ТикТок, се преплавени со видеа каде корисниците изразуваат сочувство кон браќата, а некои дури сметаат дека тие биле неправедно осудени. Серијата продолжува да предизвикува жестоки реакции, додека приказната за браќата Менендез не престанува да ја фасцинира јавноста.