Корупција во Маврово-Ростуше: Шефот за урбанизам уапсен за мито од 13.000 евра!

МВР вчера го приведе шефот на сектор урбанизам во Маврово Ростуше. Го фатиле со мито во рака.

„На 19.03.2025 година, полицијата реализираше случај на поткуп. Лишен од слобода е шефот на одделението за урбанизам и комунални дејности при Општина Маврово Ростуше, Садредин Елезоски. Поткупот бил побаран и примен за да се одобри урбанистички проект. Проектот бил за градење на апартмани и сместувачки капацитети“, соопштија од МВР.

Поткупот бил побаран во износ од 13.000 евра. Требало да се исплати во неколку рати.

Лицето е лишено од слобода при исплата на првата рата. Тоа се случило во Скопје. Парите претходно биле обележани од полицијата.