„КОЈ ГИ УБИ НАШИТЕ ДЕЦА?“: Мајка на жртва од Кочани со апел за правда!

Колона граѓани облечени во црно денеска маршираше низ Кочани во знак на жалост за 60-те жртви од пожарот во дискотеката „Пулс“.

По еден час мирен марш, проследен со солзи и лелек, една мајка на загината девојка застана пред судот и со болка во гласот го постави прашањето кое ги мачи сите: „Кој го уби мојот ангел, кој го уби мојот херој, кој ги пеплоса тие ангелски лица?“

Уникатни Маици

---

Нејзините зборови беа упатени кон правосудните институции, од кои таа бара одговор за трагедијата која го потресе Кочани и целата држава.

Таа порача дека ќе чека правда за нејзината ќерка, која не успеа да се спаси од пеколот во дискотеката, како и за сите други млади луѓе кои ги загубија животите.

 

View this post on Instagram

 

A post shared by Скопје1 / Skopje1.mk (@skopje1mk)

Маршот на тагата беше спонтан собир на граѓани кои ги оплакуваат своите сограѓани, роднини и пријатели. Тие бараат одговорност и правда за трагедијата која однесе толку многу млади животи и го зави во црно градот.