Македонец ги освои минувачите во Мелбурн со изведба на „Ужичко оро“ на пијано

Младиот македонски пијанист Христијан Спировски, кој живее во Мелбурн, приреди музички спектакл на јавна сцена во срцето на градот. Изведувајќи ја добро познатата мелодија „Ужичко оро“ на пијано, тој привлече многубројна публика, на која спонтано ѝ се придружи и јапонската виолинистка Шион, која случајно се нашла на истото место.

„Почнав да свирам на улиците на Мелбурн речиси секој ден, и навистина е посебно да гледаш како луѓе од целиот свет застануваат и уживаат,“ изјави Христијан.

Спонтана средба и дует без проби

Средбата на Христијан и Шион се случила сосема спонтано на железничка станица. Водена од восхит кон неговата изведба, таа му се придружила без никакви претходни проби, креирајќи уникатен дует. „И кажав дека свириме српска мелодија, и таа веднаш се согласи,“ вели Христијан, објаснувајќи ја нивната импровизирана, но впечатлива соработка.

Музичка традиција пренесена преку генерации

Христијан, кој има завршено музичко образование во Битола, а универзитетот го продолжил во Мелбурн, потекнува од музичко семејство. Неговиот татко во 80-тите години свирел гитара заедно со хармоникашот Урош Антиќ, со кого ја основале првата југословенска музичка група во Мелбурн.

Нивниот настап, кој ги пренесе балканските звуци на австралискиот континент, е уште еден доказ за силата на музиката како универзален јазик кој ги поврзува луѓето од сите култури.