Македонската гајда и јапонското саке стануваат дел од нематеријалното културно наследство на УНЕСКО

На 19-тата сесија на Меѓувладиниот комитет за заштита на нематеријалното културно наследство, што се одржува од 2 до 7 декември во Асунсион, Парагвај, денес беше усвоен заедничкиот македонско-турски предлог за впишување на македонската гајда и турскиот тулум на листата на заштитено наследство на УНЕСКО

Нови додатоци на светската културна листа

Секоја година УНЕСКО ја проширува својата листа на нематеријално културно наследство, вклучувајќи уникатни традиции, обичаи и практики од целиот свет.

Македонската гајда и турскиот тулум

Македонската гајда – традиционален инструмент со длабока историја и културно значење – беше препознаена како дел од заедничкото наследство со Турција. Овој предлог беше поднесен пред две години и официјално изгласан денес, на 5 декември.

Јапонското саке

Признато исто така е и јапонското саке, симбол на јапонската култура. Сакето не само што се користи за пиење, туку и за готвење, и има уникатен процес на изработка со користење на специјална оризова мувла, „коџи“.

Други нови елементи

Меѓу додадените практики се и:

• Босанската севдалинка – меланхолична и емоционална музичка форма со длабоки корени во босанската култура.
• Украинските велигденски јајца „писанки“, украсени со восочни техники и симболи кои датираат од предхристијански времиња.
• Естонското традиционално јадење „мулги пудер“, направено од компир и јачмен.

Влијание на впишувањето

Ова признание не само што ги зацврстува македонската гајда и другите практики како културни бисери на човештвото, туку и отвора врати за нивно зачувување, промоција и поддршка на меѓународно ниво.

Заседанието продолжува до 7 декември, а се очекуваат нови елементи на листата.