Научниците открија како изгледа пеколот: Тоа место навистина постои

Ако мислевте дека животот на Земјата во годината што измина беше пеколен поради коронавирусот, оваа планета ќе ве убеди дека не сте во право.

На оваа блескава планета, оддалечена стотици светлосни години, океаните се направени од стопена лава, ветровите достигнуваат суперсонична брзина, а дождот буквално доаѓа од карпите.

Научниците бизарната, пеколна егзопланета ја нарекоа една од „најекстремните“ откриени досега.

Според новата студија објавена во „Месечни известувања на кралското астрономско друштво“, научници од универзитетот Мекгил, универзитетот Јорк и индискиот институт за научно образование откриле детали за една од најновите „планови лавови“.

Научниците открија дека атмосферата и временскиот циклус на K2-141b се особено бизарни. Се чини дека егзопланета со големина на Земјата има површина, океан и атмосфера и сè е направено од истите состојки: карпа.

– Студијата за прв пат објави временски прогнози на K2-141b – рече главниот автор Гианг Нгуен.

Научниците открија дека околу две третини од планетата е постојано осветлена од дневната светлина, односно дека истата страна е секогаш свртена кон ѕвездата кон која гравитира.

Овој блескав жежок дел на планетата достигнува температури од над 2.982 степени Целзиусови.

Доволно е жешко не само да ги стопи карпите, туку и да ги испари создавајќи тенка атмосфера.

– Нашето откритие веројатно значи дека атмосферата се шири подалеку од брегот на океанот со магма, што е лесно да се види со помош на вселенски телескоп – рече коавторот Никола Кован.

Остатокот од планетата е обвиткан во бескрајна темнина, достигнувајќи температури под 200 Целзиусови степени.

На Земјата, водата испарува, се крева во атмосферата, се кондензира и се враќа на површината во форма на дожд. Сега замислете го процесот да имате камења наместо вода!

Натриум, силициум моноксид и силициум диоксид на K2-141b испаруваат во минерална пареа, која суперсоничните ветрови, со брзина од над 3.100 милји на час, ја пренесуваат на темната страна на планетата.

Оттаму, камењата „врнат“ назад во магнетски океан длабок 60 километри, кој тече кон осветлената страна за повторно да го започне циклусот.

Истражувачите предвидуваат дека минералниот состав ќе се промени со текот на времето, веројатно целосно менувајќи ја површината и атмосферата на планетата.

– Сите карпести планети, вклучително и Земјата, започнале како растопен свет, но потоа брзо се ладеле и се зацврстувале. Лавата на планетата ни дава редок увид во оваа фаза на еволуција на планетата – велат научниците.