Неверојатна оптичка илузија: Брод снимен како лебди

Бродот кој лебди над морето, ретка оптичка илузија, е снимен во близина на Англија.

Дејвид Морис, автор на таа снимка, рекол дека бил многу изненаден кога забележал огромен танкер како лебди над водата во близина на Фолмаут во областа Корнвол.

Станува збор, всушност, за оптичка илузија позната како горен мираж, пишува англиски “Guardian”.

Таквите илузии се чести на Арктикот, но може да се видат и на други мориња во текот на зимата, кога има соодветни атмосферски прилики, иако тоа е многу ретко.

"Hovering ship" this is what is known as a looming superior mirage (mostly seen in the arctic) caused by light being refracted by a big temperature inversion between the cold sea and warm air just above it…..wierd though !! pic.twitter.com/SxfCsxqYvq

— weatherbraine (@weatherbraine) March 4, 2021

Причина за таа оптичка илузија е метеоролошкиот феномен познат како температурна инверзија. Вообичаено е температурата на воздухот да паѓа како што расте надморската висина. Меѓутоа, во случај на температурна инверзија, топлиот воздух се наоѓа над студниот воздух, играјќи си со нашата визуелна перцепција.

Така настанала фотографијата со бродот што лебди, бидејќи студеното море ја намалило температурата на воздухот непосредно над него, додека во повисоките делови се наоѓал потопол воздух.

Fata Morgana off Cornwall— a walker stunned to see ship hovering high above the sea — this is how fantôme islands happen — very exciting https://t.co/0lhUFlORqe pic.twitter.com/TAAqSUCpJZ

— J. R. Carpenter (@jr_carpenter) March 5, 2021

Постудениот воздух е погуст од топлиот, па има повисок индекс на прекршување на светлината. Така зраците светлина, кои се одбиваат од бродот, различно се прекршуваат, минувајќи низ слоеви студен и топол воздух и одат надолу кон набљудувачот на брегот, поради што на него му личи дека бродот е повисоко.