Негова 14-та победа по ред: „Кралот на хот-дозите“ го собори светскиот рекорд на натпреварувањето на Денот на независноста на САД

„Кралот на хот-дозите“, Џои Честнат, вчера го надмина сопствениот рекорд така што изеде 76 сендвичи со виршла, на овогодинешниот натпревар во јадење хот-дози.

Ова е негова 14-та победа во натпреварувањето. 37-годишниот Џои од Калифорнија ја надмина својата минатогодишна победа јадејќи еден хот-дог повеќе. Организаторите велат дека со неговиот „дигестивен потфат“, кога САД ја слави својата независност од британската власт, Честнат го срушил светскиот рекорд.

JOEY CHESTNUT WITH A NEW WORLD RECORD 76 HOTDOGS IN 10 MINUTES 😳

14 titles 🐐 pic.twitter.com/3iia7YIHdr

— SportsCenter (@SportsCenter) July 4, 2021

Во женска конкуренција победи 37-годишната Мишел Леско од Аризона која изела нешто помалку од 31 хот-дог. Сепак, таа беше далеку под женскиот светски рекорд кој минатата година го постави Мики Судо, со изедени 48 и пол хот-дози за 10 минути.

Минатата година натпреварувањето се одржуваше без гледачи поради пандемијата на коронавирус.

Инаку ваквиот натпревар постои од 1972 година и се одржува секоја година, за да се одбележи Денот на независноста на САД.