Несекојдневно венчање: Младенци дочекани со моторни пили наместо со свирачи

Еден млад брачен пар доживеа уникатен и неочекуван дочек по излегувањето од црквата, кога наместо вообичаен аплауз или цвеќа, ги пречекаа – вклучени моторни пили. Пријателите на младенците одлучиле да ги „освежат“ традициите со ова бизарно изненадување, подигајќи ги моторните пили во вис и активирајќи ги, додека младенците зачудени ги набљудуваа.

Овој необичен поздрав веднаш стана хит на социјалните мрежи, со илјадници прегледи и коментари кои брзо се насобраа под видеото. Иако не е познато дали сцената се одиграла на Балканот или можеби во Украина, снимката набргу го обиколи интернетот, предизвикувајќи смеа и восхит.

Реакции на социјалните мрежи

„Сигурно се жени некој шумар или дрвосеча,“ коментира еден корисник, додека друг саркастично додаде: „Сон на секоја девојка – венчание со мотори на сечила!“ Некои дури на шега коментираа дека невестата ќе го брка младоженецот дома со моторна пила ако задоцни од кафеана.

Иако младенците во почетокот беа видно збунети од овој звук, набргу се насмеаја и ја прифатија оваа неочекувана честитка, прегрнувајќи се во среќен момент среде „славеничките“ пили.