Никол Кидман за снимањето на новиот филм „Малечка“: „Понекогаш ми беше премногу“

Актерката Никол Кидман, која ја игра главната улога во новиот еротски филм Малечка (Babygirl), откри дека снимањето на интимните сцени понекогаш било исцрпувачко. Филмот, во кој таа глуми извршен директор кој започнува афера со помлад практикант, ќе биде премиерно прикажан во САД на 25 декември. За оваа улога, Никол беше наградена како најдобра актерка на Филмскиот фестивал во Венеција.

Во интервју за „Сан“, Кидман сподели дека снимањето со нејзините колеги, Харисон Дикинсон и Антонио Бандерас, понекогаш било толку интензивно што морале да прават паузи. „Во еден момент си реков дека не можам повеќе, дека ми е преку глава од снимањето интимни сцени,“ изјави актерката.

Режисерката на филмот, Халина Рејн, вдахновение добила од филмот Основен инстинкт, како и од приказни за жени кои не доживеале сексуално задоволство и се борат со своите емоции и идентитет. Кидман била привлечена од оваа улога, велејќи дека тоа било нешто поинакво и длабоко лично.

Актерката изјави дека соработката со жена режисерка и координатор на интимните сцени направила снимањето да биде поподносливо. „Сите се грижевме многу и си помагавме. Бевме многу нежни и искрени еден кон друг,“ додаде Кидман, нагласувајќи дека секој дел од неа бил посветен на раскажувањето на оваа уникатна приказна.