Новак Ѓоковиќ ги изненади обожавателите со неверојатна илузија на тенискиот терен

Најдобриот тенисер на сите времиња, Новак Ѓоковиќ, повторно го воодушеви интернетот со несекојдневна илузија на теренот. На ново видео кое брзо стана вирално, Ѓоковиќ „лебди“ над тениската мрежа – сцена што изгледа невозможно, но предизвика бројни реакции и воодушевување на социјалните мрежи.

Овој забавен трик е дело на соработка меѓу Ѓоковиќ и познатиот креатор на илузии Ари, кој е специјализиран за создавање уникатни спортски видеа што изгледаат како да ги кршат законите на физиката. Ари, кој живее во Лос Анџелес, веќе соработувал со спортски ѕвезди како Том Брејди и Стеф Кари, а своите креативни кампањи ги има реализирано и за светски брендови.

 

View this post on Instagram

 

A post shared by Ari Fararooy (@ari_fararooy)

Иако засега не се откриваат детали за понатамошната соработка на Ѓоковиќ и Ари, ова видео брзо привлече внимание – за помалку од еден час, снимката собра речиси 40.000 допаѓања. Останува да видиме какви други изненадувања ќе донесе оваа креативна соработка!