Објавен тестаментот на починатиот папа: Ова е неговата последна желба!

Папата Фрањо во својот тестамент, кој го објави Ватикан, потврди дека сака да биде погребан во базиликата Санта Марија Маџоре во Рим, а не во базиликата Свети Петар во Ватикан, каде што се погребани многу негови претходници.

Папата во тестаментот исто така изразил желба да биде погребан без посебни украси, а над неговиот гроб да биде поставена само едноставна плоча со името „Franciskus“.

Во тестаментот наведува и дека се договорил со неименуван добротвор, кој ќе ги покрие трошоците за неговиот погреб, пренесува „Фигаро“.

Папата Фрањо почина како последица од мозочен удар и срцева слабост, потврди директорот на Управата за здравје и хигиена во Ватикан, Андреа Арканџели, во денес објавената потврда за причината за смртта.