Ова е најдолгиот автомобил во светот: Може да превезува 75 патници истовремено

Во текот на 2020 година, најдолгиот автомобил на светот отпатувал за Флорида за целосна реставрација.

Сега оваа масивна лимузина со 26 тркала долга 30,54 метри е обновена и успеа да го собори сопствениот рекорд.

Дизајнерот Џеј Обрег го направи овој автомобил во Бербанк, Калифорнија во 1986 година и го нарекол „Американски сон“, кој може да прими 75 патници, има базен, терен за мини голф и хелиодром и сега е подготвен за нови авантури, пренесува РТС“.

Стоеше заборавен и запуштен во еден магацин во Њу Џерси неколку години, но сега конечно е целосно реновиран и изгледа подобро и подолго отколку кога бил нов.

Колекционерот на автомобили Мајкл Дезер го купил „Американскиот сон“ во 2019 година и го финансирал неговото реновирање.

Овој специјален модел на „Кадилак“ од 1976 година морал да се подели на два дела за да биде пренесен од претходниот сопственик Мајкл Менинг во Орландо. Оттаму, Десер, Менинг и нивните тимови работеа заедно за да го обноват возилото.

Реставрацијата вклучуваше целосен ремонт на каросеријата, внатрешно реновирање, реконструкција на моторот и надградба на базенот, теренот за мини голф и џакузито.

Според Гинисовата книга на рекорди, реставрацијата, вклучувајќи ја и испораката, ги чинела Десер и неговиот тим околу 250.000 долари.

„Американскиот сон“, кој сега е подготвен за возење, има 30,54 метри и го собори сопствениот рекорд во 1986 година.

Има 26 тркала, два мотори Ve8 – еден напред и еден заден – и може да прими 75 патници.

Покрај некои од веќе споменатите елементи, има и воден кревет, билијард, па дури и функционален хелиодром.

Иако технички „Американскиот сон“ може да се вози, сопствениците велат дека не е погоден за возење по јавни патишта.

Затоа оваа необична лимузина ќе биде изложена во Музејот на автомобили во паркот Десерланд, недалеку од Орландо, Флорида.