Огромна анаконда нападна човек – ја касна змијата за глава

Вознемирувачка сцена е снимена длабоко во амазонската прашума, во бразилската област Тера Санта, каде што еден човек бил нападнат од гигантска анаконда.

Откако брзо се обмотала околу неговото тело, змијата започнала да го стега со огромна сила, обидувајќи се да го здроби. Во очајнички обид да се ослободи, човекот реагирал инстинктивно – ја каснал анакондата за глава.

На видеото, кое го пренесува Daily Mail, се гледа како човекот стои во вода до градите, очајно борејќи се со моќниот рептил. Во еден момент, го зарил забите во близина на главата на змијата, додека неговиот пријател се обидувал да ја повлече анакондата за опашката. Во меѓувреме, трета личност се борела да ја исфрли змијата од малото дрвено чамче.

Оваа битка за живот или смрт траела помалку од една минута, по што анакондата попуштила и исчезнала во заматената вода. Човекот се вратил во чамецот, а не е познато дали претрпел некакви повреди.

Иако нападите од анаконди се ретки, тие можат да се случат во реките и потоките на Амазонската џунгла, каде што обично живеат. Овие неверојатно силни змии можат да достигнат должина од осум метри и тежина до 200 килограми. Кога ќе го фатат својот плен, тие го обвиткуваат со своето тело и со огромна сила го гушат, пред да го проголтаат.

Наскоро пред овој инцидент, беше објавена приказната за природољубецот Паул Росоли, кој 16 години од својот живот ги посветил на заштита на природата и на анакондите. Тој дозволил на шестметарска анаконда да го проголта, заштитен од специјално карбонско одело, со цел да го подигне вниманието за овие импресивни суштества.