Страхил
Иако сместени далеку на северот на Европа, каде ноќите се долги, а зимите студени, Финците упорно се прогласуваат за најсреќен народ во светот. Еве 11 причини кои ја откриваат нивната тајна:
1. Финците го обожуваат времето поминато во природа
Околу 70% од земјата е прекриена со бујни шуми, што е можеби клучната причина зошто Финците се чувствуваат најкомфорно во природа. Опкружени со зеленило и свеж воздух, тие наоѓаат спокој и мир, а нивни омилени активности се релаксирачки прошетки и возење велосипед.
2. Земја на водни богатства
Финска со право го носи прекарот „земја на илјада езера“. Овие езера се наследство од леденото доба, создадени пред повеќе од 10.000 години. Водата во нив е кристално чиста и здрава, па Финците гордо пијат вода од чешма (за разлика од многу други народи кои се принудени да купуваат флаширана вода). Во речиси секој ресторан, вода во бокал ќе добиете бесплатно, дури и без да побарате.
3. Финансиска поддршка за секое дете
Финските родители добиваат месечен надоместок од 100 евра за секое дете, сѐ до неговата 17-та година! Иако некои семејства веднаш ги трошат овие средства, многумина родители мудро ги штедат и им ги даваат на децата кога ќе одлучат да започнат самостоен живот. Затоа, не е изненадување што голем број млади Финци на почеток на својата кариера веќе имаат заштеда од околу 20.000 евра…
4. Татковина на најдобрата пица во светот?
Приказната започна со контроверзна изјава на поранешниот италијански премиер Силвио Берлускони, кој, познат по своите гафови, изјави дека не е љубител на финската кујна и дека таа не може да се спореди со италијанската. Епилогот? Три години подоцна, Финска триумфираше на светски натпревар за пица, оставајќи ја зад себе токму Италија, а победничката пица гордо го носеше името – Берлускони.
5. Рециклирање на кралско ниво
Финците одамна ја сфатија важноста на рециклирањето, па повеќе од 90% од отпадот завршува на рециклажа. Девет од десет пластични шишиња се рециклираат, а кај стаклените шишиња процентот е уште повисок!
6. Полиција на која ѝ се верува
Финските граѓани имаат огромна доверба во својата полиција – над 90%! Високо ниво на доверба уживаат и другите државни институции, што е показател за сигурно и праведно општество.
7. Необични спортови за уникатен народ
Тешко е овие активности да се наречат класични спортови, но Финците дефинитивно ги негуваат и уживаат во нив. Фрлање мобилни телефони во далечина, носење сопруги, бркање комарци, свирење воздушна гитара – сето ова е дел од финската култура и забава.
8. Интернет – основно човеково право
Пред една деценија, Финска стана првата држава во светот која го прогласи интернетот за основно човеково право. Владата им наложи на провајдерите да обезбедат брз и достапен интернет за секого.
9. Страстни љубители на кафе
Според Меѓународната организација за кафе, Финците се на второ место во светот по консумација на кафе по глава на жител. Очигледно, кафето е важен дел од нивниот среќен живот!
10. Бесплатно образование за сите
Финскиот образовен систем е еден од најдобрите во светот, а образованието е бесплатно на сите нивоа, од основно до универзитетско. Уште од мали нозе, децата се поттикнуваат да учат јазици, па затоа повеќето Финци одлично зборуваат англиски јазик.
11. Село на Дедо Мраз – цела година!
Во Лапонија се наоѓа мало село „Joulupukki“, кое е отворено за посетители во текот на целата година. Финскиот Дедо Мраз има дури и пасош, кој открива дека е оженет и роден „некогаш одамна“. Можеби токму оваа верба во бајки е дел од финската тајна за среќа – тие едноставно веруваат во убави нешта, па животот им станува бајка.
